Саха сиригэр быйыл 435 тыһыынча туонна сүөһү сиир ото бэлэмнэниллиэхтээх. Ааспыт нэдиэлэттэн окко маассабай киирии буолла, билигин 23 тыһыынча от бэлэмнэннэ (5%).
Улуустарга мобильнай биригээдэлэр тэрилиннилэр. Үлэ туһунан тыа хаһаайыстыбатын миниистирэ Артем Александров кэпсээтэ.
Өрөспүүбүлүкэҕэ 5,5 тыһ техника, 4 тыһ звено, 12 тыһ киһи кыттар.
«Мобильнай биригээдэлэр 57 тыһ туонна оту бэлэмниэхтээхтэр. Ааспыт сыллааҕы от саппааһын учуоттаан, былааны 98% толоруохтаахпыт», – диэтэ Артем Александров.
Кураан күн-дьыл Амма, Мэҥэ Хаҥалас, Таатта, Чурапчы, Томпо, Горнай, Өлүөхүмэ улуустарыгар бэлиэтэнэр.
