«Уһук Илиҥҥи уонна Арктика ипотеката» чэпчэтиилээх бырагырааманан туһаныыга эбии хайысхалар киирдилэр. Ол туһунан бырабыыталыстыба бигэргэттэ, суруйда РФ үбүн министиэристибэтин пресс-сулууспата.
Эрдэ чэпчэтиилээх ипотеканан ДНӨ, ЛНӨ, Херсонскай уонна Запорожскай уобаластарга байыаннай сорудахтары толорбут АБДь кыттыылаахтара туһаныахтарын сөбө. Билигин кинилэргэ Арассыыйаҕа сэбилэниилээх саба түһүүнү утары охсууга уонна кыраныыссаҕа уонна АБДь зонатыгар сыстар территорияларга күөртээһини бохсууга кыттыбыттар эбилиннилэр. Оннук территорияларынан буолаллар: Крым уонна Севастополь, Белгородскай, Брянскай уонна Курскай уобаластар, Анапа, Новороссийскай уонна Геленджик, Краснодарскай кыраай Темрюкскай оройуона, маны сэргэ Воронежскай уобалас Кантемировскай уонна Россошанскай оройуоннара.
Чэпчэтиилээх ипотека медицинаҕа үлэлииргэ лицензиялаах судаарыстыбаннай уонна муниципальнай медицина тэрилтэлэрин үлэһиттэригэр (эбии хайысха да быһыытынан буоллаҕына, сүрүн ОКВЭД-тара атын да буолбутун иһин) эмиэ көрүллэр буолла. Чуолкайдаатахха, кырдьаҕастар уонна социальнай көмүскэл регионнааҕы салааларын медиктарын туһунан этиллэр.
