26 Балаҕан ыйа 26.09
  • 19°
  • $ 73,19
  • 86,89

Татарстааҥҥа "Саха сирин күннэрэ" бүгүн саҕаланаллар

Бэс ыйын 7 — 11 күннэригэр Татарстааҥҥа Саха сирэ уонна Татарстан өрөспүүбүлүкэлэрэ сайдыыга бииргэ үлэлииргэ сөбүлэҥҥэ илии баттыахтара. Бу күннэргэ регионнар салалталарын, тэрилтэлэр, институттар икки ардыларыгар түһэрсиллибит дуогабардары чиҥэтэн биэриэхтэрэ.


Татарстаҥҥа «Саха сирин күннэрин» сүрүн соруктара — өрөспүүбүлүкэ инвестицияҕа, инновацияҕа уонна туризмҥа кыаҕын презентациялааһын, «Саха сиригэр оҥоһулунна» табаары оҥорон таһаарааччылар бородууксуйаларын көрдөрүү, дьыалабыай уонна научнай сибээс олохтонуута.

Төгүрүк остуоллар уонна практикумнар ыытыллыахтара.

Бэс ыйын 7 күнүгэр Казаньнааҕы федеральнай университекка биофармация, материаловедение, сири туһаҕа таһаарыы, Россия норуоттарын тылларын уонна култуураларын кэскиллээх хайысхаларыгар икки регион учуонайдара бииргэ үлэлиир сибээстэрэ чиҥэтиллиэҕэ.

Бэс ыйын 8 күнүгэр Казаньҥа «Якутия – Татарстан» форум ыытыллыаҕа. Предпринимательство министиэристибэтэ уонна  «Туймаада» агрохолдинг Татарстан «Агросила» уонна «Барс» хампаанньаларын кытта «Обмен опытом и дальнейшее сотрудничество агрохолдингов Республики Татарстан и Республики Саха (Якутия)» тиэмэнэн кэпсэтиэхтэрэ.

Бэс ыйын 9 күнүгэр ювелирдар көрсүһүөхтэрэ, маны сэргэ оҥорон таһаарыыга төгүрүк остуол буолуоҕа итиэннэ «Сотрудничество в сфере развития инновационной экосистемы» стратегическай сессия тэриллиэҕэ.

Бэс ыйын 10 күнүгэр Саха сирин табаары оҥорон таһаарааччылара бэйэлэрин бородууксуйаларын Казань атыы-эргиэн дьиэлэригэр таһаарыыга «Бахетле» ХЭУо уонна «Эдельвейс» эргиэн ситимин бэрэстэбиитэллэрин кытта көрсүөхтэрэ. Бу күн «Формирование комфортной городской среды» практикум былааннанар.

Бэс ыйын 11 күнүгэр Саха сирин предпринимательство министиэристибэтэ Татарстаан атыыга министиэристибэтэ регионнарга промышленнай туризмы сайыннарыы тула кэпсэтиэхтэрэ.

Сиһилии https://ysia.ru/zavtra-v-tatarstane-startuyut-dni-yakutii/

26 сентября 26.09
  • 19°
  • $ 73,19
  • 86,89