19 От ыйа 19.07
  • 21°
  • $ 87,88
  • 96,1

Таатта улууһугар дьиэ кыылларыгар быһыыны биэрии саҕаланна

Читайте нас на
Яндекс Новости
ЯДВ

Ииримтийии кыыллары ыарытыннарар сүөһүгэ, дьоҥҥо кутталлаах сыстыганнаах ыарыы. Сыстыганнаах ыарыы сүрүн көбүтээччитинэн рабдовирус буолар. Вируһу тарҕатааччынан ыалдьыбыт диикэй кыыллар: босхо сылдьар ыттар, кырсалар, бөрөлөр, саһыллар буолаллар диэн Таатта телеграм-ханаал суруйар.

Киһиэхэ ыалдьыбыт кыыллар, ыттар саба түһэн, ытыран бааһыртахтарына, сырааннарыгар баар ииримтийии вируһа ньиэрбэ утаҕынан эт-сиин убаҕаһынан 10 хонугунан мэйиигэ тиийдэҕинэ, энцефоломиеликкэ майгынныыр ыарыыга кубулуйар. Ыалдьыбыт киһи, сүөһүлэр, кыыллар, ыттар 10 суукканан сүүс бырыһыан өлөллөр. Дьону ытырбыт ыт 10 суукка устата булгуччу баайыллан, кэтээн көрүүгэ туруохтаах. Ииримтийии ыарыытыттан эмсэҕэлээбит киһини тута балыыһаҕа киллэрэн, ыарыыны утары быһыы оҥоһуллар.

Ииримтийии ыарыыны утары сэрэтэр үлэлэр:

— дьиэҕэ иитиллэр ыт, куоска сыл аайы регистрацияны ааһан, иирэр ыарыы утары быһыыны булгуччу ылыахтаах.

— тэлгэһэҕэ ыт баайыыга туруохтаах.

— ыт, куоска сылга иккитэ илиистиктээҕэ бэрэбиэркэлэниэхтээх.

Ытык Күөл ветеринарнай учаастагар балаҕан ыйын 26 күнүттэн дьиэ кыылларыгар иирии утары быһыы оҥоһуллар. Ыт, куоска сибиэһэй саахтарын таас иһиккэ уган, аҕаларгытын умнумаҥ. Быһыыны ылар ыт, куоска регистрацията төлөбүрдээх.

Хас биирдии ыал дьиэ кыылын иитии быраабылатын толору тутуһуохтаах, эппиэтинэстээхтик сыһыаннаһаргытын умнумаҥ.

С.К. Васильева бэтэринээринэй сулууспа ОВМ салаатын сэбиэдиссэйэ

Следите за самым важным и интересным в Telegram-канале и WhatsApp-группе ЯСИА