Быйыл күһүн Таатта улууһугар Дьокуускайдааҕы медицина колледжын филиала аһыллан үлэтин саҕалыахтаах. Үөрэх кыһата 1 №-дээх оскуола базатыгар олоҕуран 2 сыл устатыгар медицинскай сиэстэрэлэри уонна фельдшердары бэлэмнээн таһаарыа.
Улуус быраастара кэлэн бэйэлэрин дисциплиналарынан, орто оскуола учууталлара уопсай үөрэхтээһиҥҥэ билиилэри биэриэхтэрэ. Бу филиалга 11 кылаас кэннэ туттарсан киириэххэ сөп буолар. Уопсайа 40 миэстэттэн 30 миэстэтэ бюджетнай, 10 миэстэтэ төлөбүрдээх буолар.
Бүгүн «ЯМК» аһыллыытын тула мунньах буолла.
Улуус баһылыгын бастакы солбуйааччыта Руслан Игнатьевич Захаров, балыыһа кылаабынай бырааһа Сардаана Владимировна Кононова, үөрэх управлениетын салайааччыта Иннокентий Иннокентьевич Дягилев уо. д а. кыттыыны ыллылар.
Ааптар: Таатта хаһыат.
