Тыа хаһаайыстыбатын уонна ас-үөл бэлиитикэтин министиэристибэтэ оттооһун уонна хомуур үлэлэригэр улахан болҕомтотун уурар. Министиристибэҕэ тэриллибит Сүөһү аһылыгын бэлэмнээһин суһал ыстааба улуустар дьаһалталарын уонна тустаах хаһаайыстыбалары кытары күннэтэ сибээһи тутарын таһынан, миэстэҕэ тахсан үлэни-хамнаһы билсэр.
Холобур, ааспыт нэдиэлэҕэ миниистир эбээһинэһин толорооччу Анна Стручкова Өлүөхүмэ уонна Уус Алдан улуустарыгар, миниистири солбуйааччы Сахаяна Павлова Амма улууһугар оробуочай сырыы оҥордулар.
Балаҕан ыйын 15 күнүнээҕи туругунан, бас билии көрүҥүттэн тутулуга суох бары хаһаайыстыбаларга өрөспүүбүлүкэ үрдүнэн 376 400 туонна от оттоммут. Ити былаан 87 %-а. Маны таһынан, 22 172 туонна сиилэс угуллубут, 6 659 туонна сенаж бэлэмнэммит.
Биирдиилээн улуустарынан ылын көрдөххө, былааннарын Ньурба уонна Аллараа Халыма улуустара 101 %, Уус Маайа улуустара 100 %, Сатай куораттааҕы уокурук 227 % толороннор, кыстыыр отторун хааччыммыттар, суруйда Саха праламент саайт.
