1996 сыллаахха Саха Өрөспүүбүлүкэтин бастакы президенин М.Е. Николаев ыйааҕынан С.А. Новгородов төрөөбүт күнэ — олунньу 13 күнэ — «Төрөөбүт тыл, сурук-бичик күнүнэн» биллэриллибитэ. Бу кэмтэн ыла сыл ахсын саха тыллаах бу күнү уруйдаан-айхаллаан көрсөр. Саха тылын сайыннарыыга, үйэтитиигэ аналлаах араас дьаһаллар ыытыллаллар.
Өксөкүлээх Өлөксөй аатынан норуоттар доҕордоһууларын дьиэтигэр олунньу 13 күнүгэр дьоро күн тэриллэрин иһитиннэрдилэр. Ытык-мааны, ыччат дьон кэскиллээх этиилэрин, саргылаах санааларын истиэхпит, диэтилэр тэрийээччилэр.
«Сахабыт тыла – омукпут баайа!» диир санаабытын олоххо киллэрэр дьоммут — оҕолорбут, ыччаппыт буолаллар. Оҕону төрөөбүт тылынан иитэр-үөрэтэр соругу олохпут сыала оҥостон, кыра саастарыттан ийэ тыл биһигэр бигээн, Ийэ Тыл уйата Ыал буоларын санаан бука бары турунуоҕуҥ!
Кэлиҥ! Кыттыҥ! Күүтэбит! Кэлиитэ көҥүл!
Киириитэ босхо, суруйда тэрилтэ пресс-сулууспата.
