Бу күннэргэ Муомаҕа «мобильнай быраастар» биригээдэлэрэ кэлэн үлэлии сылдьар. Эмчиттэр үлэлэрин саамай ыраах нэһилиэктэн — Төбүлэхтэн саҕалаатылар, суруйда @indigir_uottara
Биригээдэҕэ терапевт, кардиолог, акушер-гинеколог, хирург-уролог, онколог, отоларинголог уонна УЗИ быраастара бааллар. Ону таһынан ЭКГ аппаратыгар түһэрдилэр, анаалыс туттулар.
Төбүлэх 200 нэһилиэнньэлээх кыра нэһилиэк. Айан-сырыы кыһыннары-сайыннары уустуктардаах. Олохтоохтор санаатахтарын аайы айаннаабаттар. Онон төбүлэхтэр бэйэлэринэн кэлбит быраастарга «Хата, доруобуйабытын көрдөрөн абыранныбыт» диэн үөрэллэр.
