30 Кулун тутар 30.03
  • -15°
  • $ 92,37
  • 99,53

Сунтаар улууһугар хара төбөлөөх иволга көтөрү бэлиэтээтилэр

Читайте нас на
Яндекс Новости
ЯДВ

Сунтаар улууһун Күндэйэ нэһилиэгэр олус сэдэх Кытай хара төбөлөөх иволга чыычааҕын бэлиэтээтилэр. Ем. Ярославскай аатынан саха музейын айылҕа харыстабылын отделын научнай үлэһитэ Владимир Бочкарев Саха сиригэр маннык көтөр бастакытын кэлбитин туһунан кэпсээтэ.

«Кытай хара төбөлөөх иволгата илин Азияҕа балачча киэҥник тарҕаммыт көрүҥ. Бу ханнык көрүҥҥэ киирсэр көтөр буоларын бэҕэһээ хаартысканан быһаардылар. Билигин онно билэр дьонум үлэлииллэр, сарсын кинилэртэн хаартыскалардаах сонуннар баар буолуохтара диэн эрэнэбин», — диэн эксперт чуолкайдаата.

Маны сэргэ, Владимир Бочкарев бу Арассыыйа сиригэр-уотугар элбэхтик көстөр иволга эмиэ буолуон сөп диэн бэлиэтээтэ. Кини этэринэн, көннөрү иволганы өрөспүүбүлүкэ сиригэр-уотугар хас да сыл анараа өттүгэр бэлиэтээн турардаахтар. «Кини манна хайдах көтөн кэлбитин этэр кыаҕым суох. Кинилэр билигин Азияҕа кыстыктарын булар кэмнэрэ. Бу көтөрдөр куйааһы наһаа сөбүлээбэттэр эрээри, тымныы сиргэ эмиэ олохсуйбаттар», — диэн эбэн эттэ научнай үлэһит.

Следите за самым важным и интересным в Telegram-канале и WhatsApp-группе ЯСИА