25 От ыйа 25.07
  • 21°
  • $ 86,55
  • 94,38

Сунтаар бөһүөлэгэр 450 миэстэлээх лицей тутуллар

Хаартыска: ЯСИА саайта
Читайте нас на
Яндекс Новости
ЯДВ

Сунтаар сэлиэнньэтигэр «Үөрэҕирии» национальнай бырайыагынан 450 миэстэлээх лицей тутуллар. Ол туһунан бырабыыталыстыба отчуотун кэмигэр этилиннэ.

Олохтоохтор бырабыыталыстыба ааспыт сыллааҕы үлэтин түмүктэрин иһиттилэр, ыйытыылары биэрдилэр.

Сунтаарга лицейы таһынан, оскуола-саад тутулларын боппуруоһун туруордулар. Бөһүөлэк «Туллукчаан» дьыссаата ааспыт сылга өрөспүүбүлүкэҕэ бастыҥ үлэлээҕинэн биллэриллибитэ. Ити эрээри дьиэлэрэ 1961 сыллааҕы тутуу эргэрдэ.

Иккис сүрүн боппуруостара балыыһа комплексын иккис уочаратын тутуу. Билигин эбийиэк бырайыактыыр-сметалыыр докумуона оҥоһуллар. РФ доруобуйа харыстабылын министиэристибэтигэр сайаапка барбыт, федеральнайдааҕы бырагыраамаҕа киллэрэллэрин туһунан этии.

Национальнай бырайыактар дойду салайааччыта Владимир Путин көҕүлээһининэн олоххо киирэллэр.

Следите за самым важным и интересным в Telegram-канале и WhatsApp-группе ЯСИА