Саха сиригэр күөллэр, үрэхтэр, өрүстэр тоҥор кэмнэрэ. Бу кэмҥэ мууһунан туоруур олус сэрэхтээх. Ону ол диэбэккэ, сылтан сыл сорох дьон чараас мууска тахсаллар.
«Саха Республикатын Быыһыыр сулууспата» тэрилтэ сэрэтэринэн, биир киһи үктэнэригэр муус 7 см чараас буолуо суохтаах, оттон элбэх киһиэхэ анаммыт анал туорааһыннарга муус халыҥа 15 см буолуохтаах.
Муус халыҥа сиринэн көрөн атын-атын буолар. Үрэхтэр силбэһэр сирдэринэн муус чарааһыыр. Сүүрүктээх, сир анныттан уу тыгар, элбэх үүнээйилээх уонна сылаас уу, канализация ыытыллар сирдэринэн муус кэбириир. Хомурах хаар аннынааҕы муус олох эрэлэ суох.
Муус туруга хайдаҕын өҥүттэн билиэххэ сөп: күөх өҥнөөх – бөҕөргөөбүт; үрүҥ – икки төгүл кэбирэх; болоорхой – сэрэхтээх.
Алҕас тымныы ууга түстэххинэ:
Ыгылыйыма, өрө мөхсүмэ, уһуннук-киэҥник тыын.
Илиигин икки өттүгүнэн далай уонна суурук устун уһаты буолан, муус кырыытыттан иҥнэ сатаа.
Муус кырыытыгар түөскүнэн сэрэнэн анньан, бастаан биир атаххын, онтон иккискин үөһэ бырах.
Муус уйдаҕына оргууй кытыы диэки сыылын эбэтэр төкүнүйэн биэр.
Кэлбит сириҥ диэки бара сатаа.
Иэдээн тахсан, эн көмөҥ эрэйиллэр тубэлтэтигэр:
Муус алдьаммыт сиригэр олус сэрэхтээхтик чугаһыыр, сыылан киирэр ордук.
Көмөҕө иһэргин хаһыытаан биллэр, ууга түспүт киһи санаата бөҕөргүө.
3-4 метр хаалбытын кэннэ киниэхэ туох баарынан быаны, ураҕаһы, хаптаһыны, моой былаатын уун.
Илиини уунар сэрэхтээх, алдьаммыт муус уйбакка, быыһыахтааҕар бэйэҥ ууга былдьаныаххын сеп.
Бу быраабылалары тутуһуу оһол тахсыытын аҕыйатыа уонна киьи олоҕун быыһыырга тирэх буолуо.
Быыһыыр сулууспа дьуһуурунай чааһын нүөмэрэ (4112) 42-40-32.
