Бырааппытын төһө билэбит? Күөмчүлэнэр түгэнигэр ханна этиниэхпитин сөбүй? Саха сиригэр 17-с сылын Киһи быраабыгар боломуочуйалаах института үлэлиир. Дьон ордук ханнык ыйытыылаах кинилэргэ тиийэрий? «Якутия» хаһыат боломуочуйалаах Сардана Гурьеваны кытта кэпсэттэ, суруйар СИА.
Өскөтүн эн барар сириҥ баҕана үүтэ, кэлэр сириҥ кэлии үүтэ буоллаҕына
– Дьон үҥсүүтэ ордук ханнык эйгэни хабарый?
– Араас инстанциялар ылыммыт быһаарыыларыгар сөпсөспөтөхтөр ордук кэлэллэр. Үҥсүһүү бары түһүмэҕин ааспыттар, ол иһигэр суукка сылдьыбыттар, ити эрээри бэйэлэрин бырааптарын көмүскүүргэ сөптөөх төрүөтү булбатахтар көмүскэл көрдүүллэр.
Харантыын кэмигэр үлэни биэрээччи үбүнэн өйөбүлэ суох уоппускаҕа ыыталаабыт, баҕа өттүнэн уурайар туһунан сайабылыанньаны күүһүнэн суруйтара сатаабыт дьоно үҥсүһэллэр. Атын дойдуттан Сахаларын сиригэр кыайан кэлбэккэ сылдьааччылартан, дьиэни арендалааһын боппуруоһа күөрэйбитинэн ыйытыылар бааллар.
Холобурга, бюджет эйгэтин тэрилтэтигэр үлэлиир Н. сайабылыанньата баар. Үлэлээбэт күннэр биллэриллибиттэринэн, хамнаһа суох уоппуска ылыыга сайабылыанньа суруйарын үлэни биэрээччитэ модьуйбут.
Бу сыыһа, РФ Президенин ыйааҕа үлэлээбэт күннэргэ хамнаһы кыччатыыга эбэтэр хамнаһы төлөөбөт буолууга төрүөт буолбатах. Бу бюджет эйгэтин тэрилтэтин үлэһитигэр сыһыаннаах.
Кинилэр үлэ дуогабарынан көрүллэр хамнастарын толору ылыахтаахтар. Кээмэйэ урут ыла сылдьыбыт хамнаһыттан уларыйыа суохтаах. Маннык холобур элбэх.
Сиһилии: https://ysia.ru/sardana-gureva-pomogaem-tam-gde-trudnee-vsego/
