2021 сылга Саха сирин суолларын өрөмүөннүүргэ рекорд олохтоммут буоллаҕына, кэлэр сылга ол көрдөрүү өссө тупсарыллыан сөп. Сүрүн бырайыагынан өрөспүүбүлүкэ 100 сылыгар анаммыт Дьокуускай куоракка Ленин проспегын оҥоруу буолар, суруйар СИА.
««Куттала суох уонна хаачыстыбалаах суоллар» нацбырайыагынан регионнааҕы уонна федеральнайдааҕы, ис суоллары оҥоробут. Барыта холбоон тыһыынча аҥара км араас таһымнаах суол тутуллар. Соторутааҕыта диэри саамай элбээбитэ 200 км суол тупсарыллара, өссө ол федеральнайдааҕы. Дьокуускайга быйыл, уулуссалары эрэ ылар буоллахха, 49 км суол саҥардыллар. Регионнааҕы суоллар Намҥа, Покровскайга, Табаҕаҕа барыыга, 70-тан тахса км», — диэтэ өрөспүүбүлүкэ баһылыга Айсен Николаев.
Кини бэлиэхтээбитинэн, регионнааҕы суол уопсай уһуна, былааннаммытынан, 230 км буоллаҕына, ол эмиэ туолла. Билигин кыһыҥҥы кэмҥэ үлэ барыан сөптөөх эрэ сирдэригэр салҕанар.
«Кэлэр сыл былаана өссө балысхан. Регион суолларын өрөмүөннээһини элбэтиэхтээхпит. Куорат суоллара аҕыйатыллыаҕа, тоҕо диэтэххэ, Ленин проспегын оҥорууга элбэх үп көрүллэр, ол да үрдүнэн 40-тан тахса км оҥоһуллар. Кэлэр сылга уопсайынан Саха сиригэр тыһыынча аҥара км суол тупсарыллыаҕа уонна саҥа рекорд олохтонуоҕа», — диэтэ Ил Дархан.
