29 Кулун тутар 29.03
  • -11°
  • $ 92,26
  • 99,71

Саха сирин үс оройуонугар ЧС режимин тохтоттулар

Читайте нас на
Яндекс Новости
ЯДВ

Муниципальнай таһымнаах ЧС режимин Ньурба, Үөһээ Бүлүү уонна Алдан оройуоннарыгар тохтоттулар. Ол туһунан КЧС мунньаҕын түмүгүнэн, бырабыыталыстыба бастакы солбуйааччыта Дмитрий Садовников иһитиннэрдэ, диэн СИА кэпсиир.

Кини Саха сиригэр аан бастакытын 1,5 ый иһигэр ойуур баһаара 29-ка диэри аҕыйаабытын бэлиэтээтэ. Маннык сыыппара бэс ыйын 27 күнүгэр буолбута.

«Биһиги баһаар салгыы өссө аҕыйыа диэн сылыктыыбыт. Критерийдэринэн сөп түбэһиннэрэн өрөспүүбүлүкэҕэ ЧС режимин уһуллуохпут, онтон федеральнай киин дойду таһымнаах режими уһатарын суоҕун туһунан быһаарыы ылыаҕа», — диэн Садовников иһитиннэрдэ.

Саамай муҥутаабыта региоҥҥа 100-тэн тахса ойуур баһаара умайа турбута . Атырдьах ыйын бастакы 10 күнүнээҕи туругунан баһаарынайдар 150-тэн тахса уоту умуруорбуттара. Бу күннэргэ баһаары умуруорарга ардах көмөлөстө.

220 197 гектар иэннээх сиргэ 29 ойуур баһаарыттан ураты , билигин Саха сиригэр 23 гектар иэннээх сиргэ икки ландшафтнай уот баар.

Следите за самым важным и интересным в Telegram-канале и WhatsApp-группе ЯСИА
Тутаах тыллар