22 От ыйа 22.07
  • 15°
  • $ 88,02
  • 96,04

Саха сирин футболистара "Азия оҕолоро" оонньууларга иккис күннэрин эрэллээх кыайыыны ситистилэр

Читайте нас на
Яндекс Новости
ЯДВ

Владивостокка «Азия оҕолоро» VII оонньууларга Саха сирин сүүмэрдэммит хамаандатын уонна Узбекистан бэрэстэбиитэллэрин икки ардыларыгар мини-футбол күрэҕэ түмүктэннэ. Саха хамаандата утарсааччыларын  3:0 ахсаанынан кэннигэр хаалларда, диэн СИА кэрэспэдьиэнэ иһитиннэрэр.

Бастакы түһүмэххэ саха спортсменнара күрэстэһээччилэрин боруоталарыгар икки мээчиги киллэрбиттэрэ. Иккис түһүмэххэ узбектар саха сүүмэрдэммит хамаандатын боруотатын таһыгар тыҥааһыннаахтык киирсэн баран мээчиги киллэрбэтилэр. Оттон сахалар өссө биир мээчиги эбии киллэрбиттэрэ.

Онтон иккис көрсүһүү саха сүүмэрдэммит хамаандатын туһатыгар 3:0 ахсаанынан түмүктэннэ.

«Сарсын Кыргызстантан күүстээх утарсааччылары кытары көрсөбүт. Үчүгэйдик бэлэмнэммиппит дии саныыбын-оонньуулар иннинэ Москваҕа, онтон Дьокуускайга уонна Владивостокка эмиэ эрчиллибиппит. Кыайыыга эрэ эрэнэбит», — диэн мини-футболга Саха сирин сүүмэрдэммит хамаандатын хапытаана Алексей Захаров үллэһиннэ.

Бу иннинэ Саха сирин түмсүүтэ Уһук Илин федеральнай уокурук сүүмэрдэммит хамаандатын 6:1 ахсаанынан эрэллээхтик кыайбыта.

Следите за самым важным и интересным в Telegram-канале и WhatsApp-группе ЯСИА