Саха сирэ үөрэх объектарын модернизациялааһын бырагырааматыгар көхтөөхтүк кыттар. Үлэлэр хойутааһына суох бараллар эрээри, муниципальнай үөрэх тэриллиилэрин мэлдьи хонтуруоллуур наада. Ол туһунан Дьокуускай 10 уонна 27 №- дээх оскуолаларыгар сырыы кэмигэр Саха сирин Бырабыыталыстыбатын бэрэссэдээтэлин солбуйааччы Сергей Местников иһитиннэрдэ, диэн СИА кэпсиир.
«Быйылгы сылтан Саха сирэ 2 миллиард 500 мөлүйүөн солкуобай суумаҕа үөрэх объектарын саҥардааһын бырагырааматыгар кыттар. Быйылгы сылга барыта 38 оскуоланы саҥардан бүтэрэллэрэ былааннанар. Эһиил 66 үөрэх объегар өрөмүөн ыытыллара былааннанар, олортон 20 оскуолаҕа хайыы-үйэ бэлэмнэнии үлэлэрэ саҕаланнылар», — диэн Сергей Местников бэлиэтээтэ.
