Россия президиэнэ көҕүлээбит «Жилье и городская среда» нацбырайыагынан Саха сиригэр 40-тан тахса тыһыынча киһи бэйэтин олорор усулуобуйатын тупсарынна. Уопсайа 740 тыһ кв м иэннээх хаарбат дьиэ суох оҥоһулунна.
Ол туһунан регион салалтатын пресс-сулууспата иһитиннэрдэ.
2019 — 2025 сылларга Саха сиригэр 1,1 мөл кв м иэннээх хаарбах дьиэттэн дьону көһөрөр былаан баар, манна 60 тыһ киһи олорор.
Тутуу миниистирэ Виктор Романов эппитинэн, 2024 сыл бүтүүтэ 998 тыһ кв м иэннээх сиргэ көһөрүү буолуоҕа, 53 тыһ киһи олорор усулуобуйатын тупсарыаҕа.
2019 сылтан өрөспүүбүлүкэҕэ 244 элбэх кыбартыыралаах дьиэ тутулунна, уопсай иэнэ 390 тыһ кв м. Быйыл 93 дьиэ киирэрэ былааннанар.
