29 Кулун тутар 29.03
  • -14°
  • $ 92,26
  • 99,71

Саха сиригэр БКЭ-ни туттарыы саҕаланна

10:01, 03 июля 2020
Текст:
Читайте нас на
Яндекс Новости
ЯДВ

Бүгүн, от ыйын 3 күнүгэр, оскуоланы бүтэрээччилэр Биир кэлим эксээмэннэрин туттарыылара саҕаланна. Өрөспүүбүлүкэҕэ барыта 7968 выпускник баар, кинилэртэн БКЭ-ни 5991 оҕо туттарар. Быйыл эпидемиологическай балаһыанньанан эксээмэни туттарыы Роспотребнадзор ирдэбилинэн, хонтуруолунан ыытыллар. Саха сиригэр оҕолор тургутууну ааһыыларын бэлэмин туһунан биэдэмистибэ пресс-сулууспата СИА-ҕа иһитиннэрэр.


Өрөспүүбүлүкэҕэ, кыттааччылара суох хас да төгүллээх БКЭ-ни ыытыы бэрэбиэркэтэ буолла. Бэс ыйын 23 күнүгэр регионнааҕы апробация, бэс ыйын 25 уонна 26 чыыһылаларыгар – бүтүн Россиятааҕы бэрэбиэркэни. Эксээмэни ыытыы технологиятыгар бастакыга — 13 пуун кыттыбыта, иккиһигэр — 124, үһүскэ – 75. Бэс ыйын 29 күнүнээҕи боруобалыыр эксээмэҥҥэ — 198 ППЭ.

Үөрэх миниистирэ Михаил Сивцев иһитиннэрбитинэн, региоҥҥа 200 пуун бэлэмнэннэ, былааннаммыттан 33-нэн аҕыйах. «Ити быйыл үрдүк үөрэххэ эрэ киирээччилэр БКЭ-ни туттарыыларын кытта сибээстээх. Аттаестат эрэ ылааччылар, эксээмэни туттарыыттан аккаастаабыттара», — диэтэ салайааччы.

Холобурга, Аллайыаха улууһугар биир ППЭ бэлэм, Чокурдаах орто оскуолатыгар икки аудиторияҕа оҕолор эксээмэн суруйаллар. Апробация уонна боруобалыыр эксээмэн түмүгүнэн, бүгүн оҕолор толору бэлэмнээх аудиторияларга эксээмэн туттараллар.  «Быйыл биһиэхэ тоҕус оҕо БКЭ туттарар. Куттал суох буолуутугар элбэх үлэ ыытылынна. Харыстанар сириэстибэлэр ылылыннылар, рециркулятордар туруорулуннулар», — диэтэ үөрэх управлениетын начальнига Рустам Шагабеев.

Санатар эбит буоллахха, убаастанар биричиинэнэн от ыйыгар сатаан эксээмэн туттарбатахтар, атырдьах ыйыгар саппаас күннээхтэр.

Следите за самым важным и интересным в Telegram-канале и WhatsApp-группе ЯСИА
Тутаах тыллар