27 Ыам ыйа 27.05
  • -7°
  • $ 104,68
  • 115,6

Саха сиригэр 250 медицина үлэһитэ хамнаһыгар эбии төлөбүр ылыаҕа

Коронавирус дьаҥын кытта охсуһар медицина үлэһиттэрэ хамнастарыгар эбии төлөбүрү ылыахтара. Бу туһунан дьаһалы дойду президенэ ылынан турар. СИА өрөспүүбүлүкэ баһылыга Айсен Николаев этиитигэр сигэнэн суруйар.


Саха сирин баһылыга Айсен Николаев биллэр мессенджердарга эбии төлөбүрдэри тустаахтарга биэрии тардыллыбытын туһунан иһитиннэриини олоҕо суоҕунан аахта.

РФ президенэ Владимир Путин муус устар 8 күнүгэр федеральнайдааҕы бырабыыталыстыбаҕа эбии төлөбүрдэр тустарынан механизмы оҥорорго сорудахтаабыта. Маны сэргэ атын социальнай өйөбүллэри коронавируһу кытта охсуһар медицина үлэһиттэригэр олохтууру эппитэ.

Россия бырабыыталыстыбатын бэрэссэдээтэлэ Михаил Мишустин манна сөптөөх дьаһалга илии баттаата. Эбии төлөбүрдэргэ анаан 50 миллиард кэриҥэ солк көрүлүннэ. Госдуума быһаарыытынан, бу төлөбүрдэргэ нолуок тутуллубат.

Айсен Николаев иһитиннэрбитинэн, харчы кэллэ, онон бу нэдиэлэҕэ төлөбүрдэри тустаахтар тутан барыахтара. «Коронавируһунан ыалдьыбыт дьону кытта 120 медик Дьокуускайга, Алдаҥҥа, Чайындаҕа, Мииринэйгэ үлэлиир. Бачча ахсааннаах — обсерватордарга. Онон 250 медик күн аайы олохторугар суоһуур кутталы аахсыбакка, дьаҥы кытта охсуһаллар. Онон бары көрүллэр төлөбүрү ылаллар», — диэтэ Ил Дархан.

Следите за самым важным и интересным в Telegram-канале и WhatsApp-группе ЯСИА
0
0