19 От ыйа 19.07
  • 15°
  • $ 87,88
  • 96,1

Саха сирэ Докучаевскайга 60-тан тахса эбийиэги чөлүгэр түһэриэҕэ

11:28, 09 апреля
Текст:
Хаартыска: Саха сирэ саайт
Читайте нас на
Яндекс Новости
ЯДВ

Донецкай Норуодунай  Өрөспүүбүлүкэҕэ оробуочай сырыытын кэмигэр РФ Бырабыыталыстыбатын Бэрэссэдээтэлин солбуйааччы — Уһук Илин уокуругар РФ Бэрэсидьиэнин боломуочуйалаах бэрэстэбиитэлэ Юрий Трутнев уокурук эрэгийиэннэрин бииргэ үлэлэһэр куораттарын социальнай инфраструктураларын чөлүгэр түһэрии хаамыытын билистэ.

Чуолаан, салайааччы Саха сиригэр сыһыарыллыбыт Докучаевскай куоракка сырытта.

— Уһук Илиҥҥи уокурук эрэгийиэннэрэ шефтэһэр куораттарыгар ыытыллар үлэ болдьоҕун эппиэттээхтик тутустулар. Бу сырыы саҥа эрэгийиэннэргэ ыытыллыахтаах үлэ хаамыытын кытта билсии быһыытынан барар. Саха сиригэр өссө биир муниципальнай тэриллии сыһыарылынна. Кировскайга өрөспүүбүлүкэ бэйэтин соругун толордо, билигин Докучаевскайынан дьарыктаныаҕа. Чөлүгэр түһэрэр үлэ кээмэйэ киэҥ – 60-тан тахса эбийиэк саҥардыллыахтаах. Саха сирин бэрэстэбиитэллэрэ үлэлээн кэлбит тэтимнэрин ыһыктыахтара суоҕа. Ол эбэтэр, болдьоҕун тутуһан, хаачыстыбалаахтык үлэлииллэригэр эрэллээхпин, — диэн бэлиэтээтэ Юрий Трутнев, суруйда Саха сирэ саайт.

Следите за самым важным и интересным в Telegram-канале и WhatsApp-группе ЯСИА