28 Кулун тутар 28.03
  • -12°
  • $ 92,59
  • 100,27

Саха АССР 100 сылыгар сүүс саҥа тутуу үлэҕэ киириэҕэ

Читайте нас на
Яндекс Новости
ЯДВ

Саха АССР тэриллибитэ 2022 сылыгар анаан өрөспүүбүлүкэ үрдүнэн 100 социальнай суолталаах объектары үлэҕэ киллэриэхтэрэ. Тутуу үлэтин дойду уонна өрөспүүбүлүкэ бүддьүөтүгэр, ол иһигэр национальнай бырайыактар чэрчилэринэн ыыталлар. Бу туһунан Саха сирин үбүн миниистирэ Валерий Жондоров  Инстаграм ситимигэр быһаччы эфир кэмигэр иһитиннэрдэ.

Билигин 76 объект үлэҕэ киирдэ. 2021 сыл бүтүөр диэри өссө 11 объект үлэҕэ киирэрэ былааннанар. Хаалбыт 13 тутууну 2022 сылга бүтэриэхтээхтэр.

Министир бэлиэтээбитинэн, объектары тутууга судаарыстыбыннай бырагырааманан кэлэр сылга 2,9 млрд солк. үбү көрбүттэр.

Оскуолалары, уһуйааннары, балыыһалары, спорт тэрилтэлэрин тутуулара былааннанар. Холобур, Үөһээ Бүлүүгэ оҕо саадын, өрөспүүбүлүкэтээҕи анал (коррекционнай) оскуола-интернаты, Дьокуускайга, Ленскэйгэ технологическай техникумнары, Хатылы сэлиэнньэтигэр 990 миэстэлээх оскуоланы, Алдан, Чульман уонна Дьокуускай куораттарыгар катоктаах физкультурнай-чэбдигирдэр комплекстары, Өлүөхүмэҕэ кырдьаҕастарга уонна инбэлииттэргэ аналлаах дьиэни, стационарнай-чэбдигирдэр комплексы, Бороҕоҥҥо 1000 миэстэлээх стадиону уонна Мындаабааҕа тустуу саалатын, Бүлүүгэ балыыһаны тутуохтара.

Санатан эттэххэ, Саха сирин баһылыга Айсен Николаев СӨ судаарыстыбыннай мунньаҕар (Ил Түмэн) суругар өрөспүүбүлүкэ үрдүнэн Саха АССР 100 сылын көсрө, саҥа дьиэлэри, оскуолалары, балыыһалары, култуура уонна спорт тэрилтэлэрин тутуохтара, суолу-ииһи өрөмүөннүөхтэрэ диэн бэлиэтээбитэ.

Следите за самым важным и интересным в Telegram-канале и WhatsApp-группе ЯСИА