Сааскы булду кытта тэҥҥэ булчуттар өрүстэринэн, күөллэринэн айаннара саҕаланар. Ардыгар сорохтор маннык кэмҥэ сэрэхтээхтик туттуу быраабылаларын умналлар, СИА-ҕа өрөспүүбүлүкэтээҕи ЫБММ иһитиннэрэр.
Бастатан туран, мууска тахсыы олус сэрэхтээх. Муус чарааһыыр, бытарыйа сылдьар буолар, аллараанан уута сүүрүктэнэр, онон тутула ыһыллар.
Муус бара турдаҕына тимир корпустары, буолаары буолан, үрүллэр эрэһиинэ тыылары туттар булгуччулаахтык бобуллар. Дохсун муус эмискэ саба биэриэн сөп.
Иккис курдук, уу олус баламаттык эбиллиэн сөп. Бастаан көрдөххө кураанах арыы курдук буолуо, онтон эмискэ мууһун халҕаһалыы анньан-үтэн уу олус күүстээхтик тиийэн кэлэн арыыны толорон кэбиһиэн сөп.
Кыра кыамталаах суудуналарга судаарыстыбаннай инспекция тоһоҕолоон туран арыыларга тахсымаҥ, ууга барыан сөптөөх сиргэ кустуу барымаҥ диэн сүбэлиир.
