24 От ыйа 24.07
  • 24°
  • $ 87,3
  • 95,46

Россия Наукатын күнүнэн Ил Түмэн эҕэрдэтэ

10:53, 08 февраля 2016
Текст:
Читайте нас на
Яндекс Новости
ЯДВ

Билиҥҥи үрдүк көрдөбүл ханнык баҕарар идэҕэ булгуччулаах соругу уонна наука ситиһиитин ирдиир. Наука уонна саҥаны киллэрии технологияларын сайдыыта өрөспүүбүлүкэ Илин Уһук, Россия уонна аан дойду таһымыгар күрэстэһэр кыаҕын уонна кэрэхсэбилин бөҕөргөтөр.

Бүгүн Саха сирэ хотугу регион уратытын көрдөрөр сэдэх научнай-чинчийэр тэрилтэлэринэн — Ирбэт тоҥу үөрэтэр институтунан, Криолитозона биологическай проблемаларын институтунан, В.П.Ларионов аатынан Хоту дойду физико-техническэй проблемаларын институтунан уонна да атыттарынан – инники күөҥҥэ сылдьар. Ханнык баҕарар саҥаны киллэрэр бырайыак өй-санаа, билии-көрүү өттүнэн үрдүк таһымнаах специалистар кыттыыта суох ситиһиллибэт. Наука биһиги региоммут сайдар кыаҕын сүрүн хамсатааччынан буолар. Биһиги дойдубут олоҕун-дьаһаҕын, экэниэмикэтин сайдыытыгар өрөспүүбүлүкэ оҥорон таһаарар кыаҕын үөрэтэр 1925-1930 сылларга ыытыллыбыт ССРС Наукаларын академиятын Саха сиринээҕи холбоһуктаах экспедицията олугу уурбута. Билигин Россия наукаларын академията өрөспүүбүлүкэ сиригэр-уотугар РНА иккис холбоһуктаах научнай экспедициятын бэлэмниир.

Регион олоҕор-дьаһаҕар, экэниэмикэтигэр сүҥкэн кылааты үрдүк үөрэх оскуолата, ол иһигэр Саха сирин үрдүк үөрэҕин сүрүн кыһата – М.К.Аммосов аатынан Хотугулуу-Илиҥҥи федеральнай университета киллэрэр.

Наука эйгэтин сайыннарыы Саха Өрөспүүбүлүкэтин судаарыстыбаннай бэлиитикэтин биир бастааҥҥы суолталаах соругунан буолар. Саха Өрөспүүбүлүкэтин Ил Түмэнэ научнай-техническэй уонна инновационнай үлэ нормативнай-правовой базатын тупсарыыга күүскэ үлэлэһэр. “2012-2019 сылларга Саха Өрөспүүбүлүкэтин научнай-техническэй уонна инновационнай сайдыыта” уонна “2014-2019 сылларга Саха Өрөспүүбүлүкэтин идэлээх үөрэҕин сайдыыта” өрөспүүбүлүкэтээҕи судаарыстыбаннай тосхоллору олоххо киллэриигэ Саха Өрөспүүбүлүкэтин 2016 сыллааҕы судаарыстыбаннай бюджетыгар 5,3 млрд солкуобай көрүллүбүтэ. Өрөспүүбүлүкэ научнай-инновационнай үлэни, дойду экэниэмикэтигэр прикладной наука чинчийиилэрин, өрөспүүбүлүкэҕэ киһиэхэ барытыгар тоҕоостоох, табыгастаах идэлээх үөрэҕи көҕүлээһини өйүүр.

Саха сирин парламена өрөспүүбүлүкэ наукатын түмсүүтүгэр төрөөбүт дойдубут чэчирии сайдарын туһугар уонна регион саҥаны киллэрэр кэскиллээх соруктарын толорууга саҥаттан саҥа арыйыылары уонна үрдүктэн үрдүк ситиһиилэри баҕарар. Эһиэхэ кытаанах доруобуйаны, дьолу уонна бары үтүөнү!

Саха Өрөспүүбүлүкэтин Ил Түмэнэ

Следите за самым важным и интересным в Telegram-канале и WhatsApp-группе ЯСИА