Саха сирин Быыһыыр сулууспата иһитиннэрбитинэн, Ньурбатааҕы көрдүүр-быыһыыр этэрээт быыһааччылара Өлөөн улууһун Ээйик сэлиэнньэтин ойуур баһаарыттан көмүскүүр уоту кытта охсуһааччыларга гуманитарнай көмөнү ыыттылар.
Көмөнү Ньурба улууһун олохтоохторо уонна тэрилтэлэрэ хомуйдулар. Ас-үөл, иһэр уу, биирдиилээн харыстанар сириэстибэлэр, бастакы наадалаах эмп-томп уонна да атын сүрүн табаардар бааллар.
Ньурба улууһугар Дьокуускай куораттан судаарыстыбаннай матырыйаалынай саппаас таһаҕаһа баһаарынайдарга кэллэ. Кииннэммит тиэрдии инники кирбиигэ сылдьар этэрээттэри наадалаах сэбинэн-сэбиргэлинэн суһаллык хааччыйарга кыаҕы биэриэҕэ. Быыһааччылар таһаҕаһы тутуунан, наардааһынынан уонна ыытыынан дьарыктаналлар, онон уоту кытта охсуһар дьону тохтоло суох хааччыйаллар.
