21 Тохсунньу 21.01
  • -48°
  • $ 73,82
  • 83,32

Ньурба улууһун инники сайдыытыгар суолтата улахан

16:47, 18 января 2016
Текст:
Сөбүлэһиигэ улуус баһылыга Борис Николаевич Попов уонна «АЛРОСА-Ньурба» генеральнай дириэктэрэ Ильдар Рифович Султанов илии баттаатылар.
Онно Ньурба улууһун нэһилиэктэрин баһылыктара, дьокутааттар, тэрилтэ салайааччылара, «АЛРОСА-Ньурба» бэрэстэбиитэллэрэ, уопсастыбаннас кыттыыны ыллылар.
Тэрээһиҥҥэ Ньурба улууһугар алмаас промышленноһа сайдыытын историятын туоһулуур архыыптан видеоустуу көрдөрүлүннэ. Онно ытык киһибит, улууска промышленность сайдыытыгар олук уурсубут Варвара Андреевна Петрова саҥатын тыыннаахтыы истэн үөрүүлээх түгэн кыттааччылара олуһун дуоһуйдулар, долгуйдулар.
Бииргэ үлэлээһиҥҥэ сөбүлэһии сүрүн хайысхаларынан Ньурба улууһун сиригэр-уотугар баар трубкалары салгыы байытыы, саҥа алмаастаах сирдэри көрдөөһүн, олохтоох нэһилиэнньэ промышленноска үлэлээх буолуутугар исписэлиистэри бэлэмнээһин боппуруоһугар кыттыы, тыа хаһаайыстыбатын бородууксуйатынан нэһилиэнньэни улуус тэрилтэлэригэр олоҕуран хааччыйыы, Ньурба улууһун социальнай-экономическай сайдыытын стратегията туолуутугар үлэлэһии уонна да атын өрүттэр буоллулар.
Сөбүлэһии түһэрсиитэ Ньурба улууһун инники сайдыытыгар сүрүн суолталаах тэрээһининэн сыаналанна.
0
0
21 января 21.01
  • -48°
  • $ 73,82
  • 83,32