Музейдар уонна бибилэтиэкэлэр арыллаллар. Ити эрээри ирдэбиллээх: биир кэмҥэ киирэр дьон ахсаана 1 киһи 4 кв.м. иэннээх сиргэ социальнай тэйиччи кээмэйигэр сөп түбэһиэхтээх. Мааска булгуччулаахтык ирдэнэр. СИА-ҕа биэдэмистибэ пресс-сулууспата иһитиннэрдэ.
Саха сиринээҕи Национальнай бибилэтиэкэ бүгүн, от ыйын 6 күнүгэр, арыллар.
Атын култуура-сынньалаҥы тэрийэр тэрилтэлэр, айар устуудьуйалар, култуура дьиэлэрэ, киинэ тыйаатырдара уонна киинэ көрдөрөр саалалар сабыылаахтар.
Хааччах от ыйын 14 күнүгэр диэри биллэриллэн турар.
Саха сиригэр муҥутуур бэлэм эрэһиимэ уһулла илик. Култуура дьиэлэригэр дезинфекциялыыр үлэлэр ыытыллаллар.
