29 Кулун тутар 29.03
  • -15°
  • $ 92,26
  • 99,71

Муус устар 30 күнэ. Аан дойдуга джаз, Арассыыйаҕа баһаарынай сулууспа күнэ - Бикипиэдьийэ

09:01, 30 апреля 2021
Текст:
Читайте нас на
Яндекс Новости
ЯДВ

1954 сыллаахха Орто Халыма оройуонуттан араарыллан Зырянка кииннээх Үөһээ Халыма оройуона төрүттэммит.

1966 сыллаахха Өлүөхүмэ Кыыллааҕыттан сылдьар Матрена Корнилова Социалистыы Үлэ Дьоруойун аатын ылбыт.

2017 сыллаахха режиссер Дмитрий Давыдов «Костер на ветру» киинэтэ Омскай куоракка буолбут «Хамсааһын» диэн киинэ бэстибээлигэр икки сүрүн бириэмийэни ылбыт.

Бу күн дьүкээгир бэйиэтэ уонна кэпсээнньитэ, публицист, драматург, тылбаасчыт уонна педагог, дьукээгир букубаарын, тылдьыттарын ааптара, филология билимин дуоктара Гаврил Николаевич Курилов — Улуро Адо төрөөбүт.


Бэлиэ күннэр:

Түбэлтэлэр:

  • 1564 — Дерпт бойобуодата кинээс Андрей КурбскайУордаах Уйбаан ыраахтааҕы бэлиитикэтин утаран Польшаҕа куотар. Кинини билигин оонньоон «бастакы диссидент» диэн ааттыыллар.
  • 1649 — Алексей Михайлович ыраахтааҕы Москубаҕа уонна атын куораттарга уоту утары охсуһар идэтийбит хамаандалары тэрийэр туһунан дьаһайбыт.
  • 1900 — Гавайи арыыларын АХШ бэйэтигэр сыһыарбыт.
  • 1905 — Арассыыйа ыраахтааҕыта Николай II итэҕэл көҥүлүн туһунан ыйаахха илии баттаабыт.
  • 1907 — Лондоҥҥа РСДРП V сийиэһэ аһыллыбыт. Большевиктар уонна меньшевиктэр бииргэ ыыппыт тиһэх сийиэстэрэ.
  • 1945 — сапер, Албан аат уордьанын толору кавалера Ааллаах Үүн оскуолатын бүтэрбит Юрий Калашников Венаны ылыыга хорсун быһыытын иһин иккис Албан аат уордьанын ылбыт.
  • 1954 — Орто Халыма оройуонуттан араарыллан Зырянка кииннээх Үөһээ Халыма оройуона төрүттэммит.
  • 1961 — Кууба салайааччыта Фидель Кастро Ленин аатынан эйэ бириэмийэтин ылбыт. Антарктидаҕа сэбиэскэй быраас Леонид Рогозов бэйэтин муҥурдааҕын быстыбыт. Минскэй куоракка американец Ли Харви Освальд уонна Марина Прусакова сыбаайбалара буолбут. 2 сылынан Освальд АХШ бэрэсидьиэнин Джон Кеннедини ытан өлөрбүтэ.
  • 1966 — Өлүөхүмэ Кыыллааҕыттан сылдьар Матрена Корнилова Социалистыы Үлэ Дьоруойун аатын ылбыт.
  • 1975 — Хотугу Вьетнам сэрииһиттэрэ Соҕуруу Вьетнам киин куоратын Сайгону ылбыттар, сэрии түмүктэммит.
  • 2017 — Амматтан сылдьар режиссер Дмитрий Давыдов киинэтэ Омскай куоракка буолбут «Хамсааһын» диэн киинэ бэстибээлигэр икки сүрүн бириэмийэни ылбыт.

Төрөөбүттэр:

  • 1938 — Өлүөрэ нэһилиэгэр Улуро Адо — Гаврил Николаевич Курилов — дьүкээгир бэйиэтэ уонна кэпсээнньитэ, публицист, драматург, тылбаасчыт уонна педагог, дьукээгир букубаарын, тылдьыттарын ааптара, филология билимин дуоктара.

Өлбүттэр:

  • 1942 — Сергей Асямов (01.11.1907 төр.) — Главсевморпуть Өлүөнэтээҕи авиационнай бөлөҕүн лүөччүгэ, Аҕа дойду Улуу сэриитин кыттыылааҕа, Сэбиэскэй Сойуус Дьоруойа (20.06.1942), майор.
  • 1945 — Адольф Гитлер — иккис Аан дойду сэриитин тоҕо тардыбыт буруйдаах киһи, Германия баһылыга.
  • 1990 — Амма Эмиһигэр саха норуодунай бэйиэтэ Күннүк Уурастыырап, Саха суруйааччыларын Сойууһун солбуйар бэрэстээтэлэ.
Следите за самым важным и интересным в Telegram-канале и WhatsApp-группе ЯСИА