17 От ыйа 17.07
  • 20°
  • $ 88,28
  • 96,26

Муус устар 12 күнэ. Киһи космоска тахсыбыт күнэ - Бикипиэдьийэ

09:01, 12 апреля 2021
Текст:
Читайте нас на
Яндекс Новости
ЯДВ

1881 сыллаахха Александр III Арассыыйаттан көҥүл тахсары, киирэри  көҥүллээбит.

Субуотунньук диэн хамсааһын төрүттэммит күнэ. «Москва-Сортировочная» депо оробуочайдара өрөбүллэригэр 3 паровоһу босхо өрөмүөннээбиттэр. 

Степан Васильев Өҥнөөх метааллары уонна көмүһү хостуур уонна таҥастыыр оробуочайдар Сойуустарын Киин кэмитиэтин бэрэстээтэлинэн талыллыбыт.

Бу күн суруйааччы, драматург, тылбаасчыт Сиэн Чолбодук, балерина, хореограф Наталья Посельская, литэрэтиирэ кириитигэ, литературовед, Варвара Окорокова төрөөбүттэр.


Бэлиэ күннэр:

Түбэлтэлэр:

  • 1774 — Сакмарскай аттыгар буолбут кыргыһыыга генерал Петр Голицын сэриитэ Емельян Пугачёв сэриитин үлтүрүппүт.
  • 1881 — Александр III ыраахтааҕы Арассыыйаттан көҥүл тахсары уонна Арассыыйаҕа көҥүл киирэри көҥүллээбит.
  • 1918 — чэкиистэр анархистар тэрилтэлэрин ыспыт күннэрэ. Сүүстэн тахса анархиһы өлөрбүттэр, биэс сүүсчэкэ киһи хаайыыга быраҕыллыбыт.
  • 1919 — «Москва-Сортировочная» депо оробуочайдара өрөбүллэригэр 3 паровоһу босхо өрөмүөннээбиттэр. Бу түбэлтэ субуотунньук диэн ааттаах хамсааһыны төрүттээбитэ.
  • 1927 — Чан Кайши Нанкиҥҥа уонна Шанхайга переворот оҥорбут.
  • 1931 — Марха улууһун I Бордоҥ нэһилиэгиттэн төрүттээх Степан Васильев Өҥнөөх метааллары уонна көмүһү хостуур уонна таҥастыыр оробуочайдар Сойуустарын Киин кэмитиэтин бэрэстээтэлинэн талыллыбыт, онно 1934 сылга ыарахан промышленноһы хонтуруоллуур баартыйа бөлөҕүн салайар үлэҕэ көһүөр диэри үлэлээбитэ.
  • 1945 с. өлүөн 6 хонук иннинэ сапердар взводтарын хамандыыра Бодойботтон төрүттээх саха уола Петр Тихонов бииргэ үөрэммит кыыһыгар аатырбыт артиллерист Протодьяконовы көрсөн, куустуһан, кыратык иһэн ааспыттарын суруйбут. Бу суруга «Социалистическая Якутия» хаһыакка 1982 с. бэчээттэммитэ.
  • 1954 — Мария Нартахованы Саха АССР Үрдүкү Сэбиэтин Президиумун бэрэссэдээтэлинэн талбыттар. Бу дуоһунаска 9 сыл, 1963 сыллаахха пенсияҕа барыар дылы үлэлээбитэ.
  • 1961 — аан дойдуга бастакынан ССРС лүөччүк-космонаава Юрий Гагарин космоска тахсыбыта.

Төрөөбүттэр:

  • 1931 — Сиэн Чолбодук, Ньурба оройуонугар Хордоҕойго (билигин Ньурбачаан) суруйааччы, драматург, тылбаасчыт.
  • 1942 — Людмила Слепцова Мэҥэ-Хаҥалас оройуонун Майа нэһилиэгэр — саха живописеһа.
  • 1946 — Наталья Посельская (12.04.1946 — 8.07.2011) — балерина, балет педагога, хореограф, педагогика билимин хандьыдаата.
  • 1953 — Варвара Окорокова, Сунтаар Кутанатыгар — литэрэтиирэ кириитигэ, литературовед. Тыл үөрэҕин доктора.

Өлбүттэр:

  • 1945 — Франклин Рузвельт (1882 с.т.) — АХШ 32-ис бэрисидьиэнэ, дойдуга экономическай кризис уонна иккис аан дойду сэриилэрин саҕана АХШ-ы салайбыта.
  • 1986 — Валентин Катаев (1897 төр.), суруйааччы, бэйиэт, драматург, киносценарист.
  • 1994 — Павел Никитин (1932 с.т.) — Мэҥэ Хаҥалас Хара нэһилиэгиттэн төрүттээх суруналыыс, Саха АССР культуратын үтүөлээх диэйэтэлэ
Следите за самым важным и интересным в Telegram-канале и WhatsApp-группе ЯСИА