Бэс ыйын 9 күнүгэр Муома улууһугар авиарейсинэн 479 эдэр куурусса аҕалылынна. Бу туһунан Муома улууһун Тыа хаһаайыстыбатын управлениета иһитиннэрдэ. Кууруссалар олохтоох нэһилиэнньэ 2026 сыллааҕы сайаапкатынан ылыллыбыттар.
Ураты пассажирдар толору харыстанан, нэһилиэктэринэн тарҕатылынна:
Соболоох — 40 төбө;
Кулун-Өлбүт — 40 төбө;
Буор-Сыһыы — 58 төбө;
Хонуу — 321 төбө.
Маны таһынан, авиарейсинэн куурусса хаһаайыттара атыыласпыт 2 туонна уотурбалара тиэрдилиннэ, диэн суруйда indigir_uottara
