Мииринэй улууһун Арыылаах нэһилиэгин таһыгар икки ойуур баһаара баар. Баһаар оҕо сайыҥҥы лааҕырыттан 1,8 уонна 3,4 км ыраах сытар. Ол туһунан КЧС мунньаҕын кэмигэр оройуон баһылыга Александр Басыров иһитиннэрдэ.
«Арыылаах нэһилиэгин таһыгар оҕо лааҕырыттан чугас соҕус баһаар буола турар. Олортон биирдэстэрэ өрүс уҥуор сытар. Билигин баһаардары туоратарга былаанныыбыт. Онуоха баар күүһү түмүөхпүт. Лааҕыр салалтатын сэрэттилэр, эвакуацияны эмиэ быһаардылар. Лааҕыр тула чугастааҕы нэһилиэктэри Арыылааҕы, Аламаастаҕы уонна Мииринэй куораты маныахтара», — диэн Басыров иһитиннэрдэ.
От ыйын 28 күнүгэр Саха сиригэр барыта 101 ойуур баһаара баар, онтон үһэ Мииринэй оройуонугар.
