Саҥа дьыллааҕы өрөбүллэргэ үлэлиэхтээх мэдэссиинэ үлэһиттэригэр хамнастарын төлөбүрдэрин икки бүк үрдэтиэхтэрэ. Ол туһунан үлэ уонна социальнай көмүскэл миниистирэ Антон Котяков «Россия-1» ханаалга «Кремль. Путин» журналист Павел Зарубин» диэн биэриигэ интервью кэмигэр иһитиннэрдэ.
«Өрөбүл күннэргэ үлэлиэхтээх мэдэссиинэ үлэһиттэригэр төлөбүрдэрин ааҕыы икки тарибынан барыаҕа», — диэн Антон Котяков чопчулаата.
Маныаха, РФ Минфинын баһылыга Антон Силуанов итиннэ харчы көрүллүө диэн бигэргэттэ.
Эрдэ Минтруд ковиды кытта үлэлиир эмчиттэргэ 2022 сыл бүтүөр диэри анал төлөбүрдэрин уһатар туһугар этии киллэрбитэ.
