Саха сирин үрдүкү суута Дьокуускай мэриятын бэлиэлэри оҥоруу биир быраабылатын олохтуур быраабын бүтэһиктээхтик бигэргэттэ.
Урбаанньыт уурааҕы мөккүстэ, ити эрээри суут билиннэ: дьаһалта сокуон чэрчитинэн үлэлээбит, дизайн-код кэһиитэ суох ылыллыбыт, ирдэһээччи бырааба күөмчүлэммэтэх. Үҥсүү аккаастанна, быһаарыы олоххо киирдэ.
«Үрдүкү суут биһиги кырдьыкпытын бигэргэттэ. Билигин куораты кэрэ, аныгылыы оҥорорбутун холкутук салгыахпытын сөп», — диэн куорат тутуутун уонна архитектуратын Департаменын куорат эйгэтин отделын начальнига Егор Чемезов бэлиэтээтэ.
Дьокуускай мэриятыгар бэлиэтээбиттэринэн, дьаһалта уулуссалары биир истиилинэн оҥоруутун салгыаҕа. Маҕаһыыннар, кафелар уонна офистар хаһаайыттарыгар ирдэбиллэри санаталлар: бэлиэлэр дьиэлэр түннүктэрин уонна архитектурнай элеменнэрин сабыа суохтаахтар, фасадтарга чэпчэки баннернай таҥаһы туһаныы бобуллар. Мэрия бэлиэлэри саҥардыыга бизнес эйгэтин үлэһиттэригэр сүбэлииргэ бэлэм.
