28 Кулун тутар 28.03
  • -12°
  • $ 92,59
  • 100,27

Мэҥэ Хаҥаласка кыһыл көмүс мэтээлинэн бүтэрбит 21 үөрэнээччигэ 10-нуу тыһ. солкуобайдаах сэртипикээттэр туттарылыннылар

17:45, 21 июня 2016
Текст:
Читайте нас на
Яндекс Новости
ЯДВ

Бэс ыйын 21 күнүгэр улуус дьаһалтатыгар оскуоланы кыһыл көмүс мэтээлинэн бүтэрээччилэри кытта улуус баһылыга Николай Старостин көрүстэ. 


21 бастыҥтан бастыҥ үөрэнээччи сөбүлүүр идэлэрин сөптөөхтүк талан, үөрэнэн, төрөөбүт дойдуларыгар кэлэн үлэлээн-хамсаан сайыннаралларыгар баҕа санаатын улуус баһылыга Николай Старостин тириэртэ. Баһылык оскуоланы бүтэрээччилэргэ кыһыл көмүс мэтээллэри уонна 10-нуу тыһыынча солкуобайдаах сэртипикээттэри туттарда.

Быйылгы үөрэх дьылын кыһыл көмүс мэтээлинэн Ульяна Аргунова (Павловскай), Юлия Аргунова, Андрей Макаров, Петр Охлопков (Майатааҕы Ф.Г.Охлопков аатынан орто оскуола), Татьяна Афонская, Айталина Макарова, Виктор Романов, Сардаана Яковлева (Майатааҕы лиссиэй), Анастасия Бурнашева, Алина Лукина, Степанида Сотникова (Майатааҕы В.П.Ларионов аатынан орто оскуола), Мария Винокурова (Балыктаах), Александра Громова (Аллараа Бэстээхтээҕи 1 нүөмэрдээх оскуола), Анна Захарова (Бэдьимэ), Артем Мельчанов, Эльвира Мубаракшина, Василий Осипов, Анастасия Прохорова, Иван Чернышев (Аллараа Бэстээхтээҕи 2 нүөмэрдээх оскуола), Евдокия Слепцова (Табаҕа), Прасковья Тимофеева (Хорообут) бүтэрдилэр.

Улуустааҕы үөрэх управлениетын салайааччыта Ирина Черкашина үөрэнээччилэр төрөппүттэригэр махтанан туран, кинилэргэ Махтал суруктары туттартаата.

Медалистар ааттарыттан харда тылы Аллараа Бэстээх 2 нүөмэрдээх орто оскуолатын бүтэрээччи Анастасия Прохорова, төрөппүттэр ааттарыттан Ороссолуода нэһилиэгин баһылыга Илья Макаров эттилэр.

Следите за самым важным и интересным в Telegram-канале и WhatsApp-группе ЯСИА