28 Кулун тутар 28.03
  • -13°
  • $ 92,59
  • 100,27

Мас тардыһыытыгар Федерация Кубогын бэһис төгүлүн уус алданнар ыллылар

12:31, 23 декабря 2019
Текст:
Читайте нас на
Яндекс Новости
ЯДВ

Уус Алдан улууһун сүүмэрдэммит хамаандата мас-рестлиҥҥэ Федерация Кубогын быйыл бэһис төгүлүн ылла. Финалга кинилэр Амма улууһун кытта көрүстүлэр, үһүс миэстэни Дьокуускай куорат спортсменнара суруннулар. 


Мас-рестлиҥҥэ Федерация Кубога сылын аайы Саха сирин чемпионатын түмүгүнэн аҕыс бастыҥ хамаанданы түмэр. Барыларын икки бөлөххө араараллар. Хас биирдии хамаандаҕа 23-түү спортсмен киирэр: уолаттар, бэтэрээннэр, дьахталлар, эр дьон, үгэс буолбут «стенка на стенку» киэбинэн ыытыллар.

Иван Готовцев салайааччылаах Уус Алдан улууһун сүүмэрдэммит хамаандата бастакы түһүмэххэ Сунтаар, Таатта оройуоннарын уонна Дьокуускайы кыайар. Финалга иккис бөлөххө кыайбыт Амма улууһа тахсар. Кинилэр чурапчылары, ньурбалары, мэҥэ хаҥаластары баһыйа туталлар.

Онон финалга Уус Алдан уонна Амма улуустарын спорсменнара күөн көрсөллөр. Кылаабынай бириис – 150 тыһ.солк. Бастаан уус алданнар инники түһэллэр, аммалар ситэн кэлэллэр, салгыы хас да төгүллээх өрөспүүбүлүкэ чемпионнара маастарыстыбалара чорбойон тахсар.

Уус Алдан улууһа Федерация Кубогын бэһис төгүлүн ылар, утарсааччыларын 14:9 кыайар.

Үһүс миэстэҕэ Николай Константинов салайааччылаах дьокуускайдар тахсаллар. Кинилэр 13:10 ахсааҥҥа Мэҥэ Хаҥалас хаммаандатын кыайаллар.

Следите за самым важным и интересным в Telegram-канале и WhatsApp-группе ЯСИА