Пасха бырааһынньыгын күн Ленскэй оройуонугар икки баһаар турда. Бастакы иһитиннэрии сарсыарда 6.40 киирбитэ – Витим бөһ. Совхознай уулуссаҕа кэтэх ыал баанньыга умайа турар. Уот турбутун түмүгэр баанньык үрдүн бүтүннүү уот салаата.
Күнүс Ленскэй к. Первомайскай уулуссаҕа 4 этээстээх дьиэ умайа турарын туһунан тыллабыр киирбитэ. Баһаарынайдар кэлэллэригэр дьиэ түннүгүттэн буруо тахса турара. Баһаар түмүгэр 5 кв. м. куукуна истиэнэтэ сиэннэ. Баһаарынайдар дьиэни быыһаатылар.
СИА.
