29 Кулун тутар 29.03
  • -14°
  • $ 92,26
  • 99,71

Өлүөнэ мууһа Ленскэйгэ ыам ый саҥата хамсыаҕа

18:03, 11 апреля 2017
Текст:
Читайте нас на
Яндекс Новости
ЯДВ

Күнү-дьылы билгэлээччилэр сабаҕалааһыннарынан, быйыл Өлүөнэ өрүс Ленскэй улууһугар ыам ыйын 5 күнүгэр эстэр туруктаах.


Билгэлээһин, сабаҕалааһын уларыйа турар. Күммүт-дьылбыт туруга сыл ахсын уларыйан иһэриттэн, чопчу билгэлээһини оҥорор уустук. Кэлиҥҥи сыллары ылан көрдөххө, өрөспүүбүлүкэ соҕуруу өттүгэр өрүс мууһа ыам ыйын бастакы декадатыгар, киин улуустарга ортотугар уонна хоту улуустарга ыам ыйын бүтүүтэ хамсыыр.

Быйыл Өлүөнэ мууһа Өлүөхүмэҕэ ыам ыйын 7, Покровскайга – 11, оттон Дьокуускай куорат аннынан 12 күннэригэр ааһыаҕын туһунан Гидрометеосулууспа үлэһиттэрэ билгэлииллэр. Оттон Алдан өрүс Томмотунан ыам ыйын 6, Амма өрүс ыам ыйын 6 – 9, Бүлүү өрүс Сунтаар аннынан ыам ыйын 8 күннэринэн эстэрэ күүтүллэр.

Былырыыҥҥыны кытары тэҥнээн көрдөххө, Витимҥэ муус ыам ыйын 8-гар хамсаабыта. Дьокуускайынан ыам ыйын 13 күнүгэр ааспыта.

Уу ресурсаларын федеральнай агентствотын Өлүөнэ сүнньүнээҕи ууга управлениетын салайааччытын солбуйааччы Мирон Эртюков иһитиннэрбитинэн, Өлүөнэ өрүс мууһа Табаҕа аннынан – 133 см (былырыын 118 см этэ), Ленскэй куоратынан – 116 см (98), Өлүөхүмэҕэ – 86 см (80), Покровскайга – 111 см (110), Дьокуускайга – 109 см (114), Сангаарга – 158 см (144), Эдьигээҥҥэ – 144 см (125), Күһүүргэ – 154 см (134) буолан турар.

Хоту улуустарга хаар саппааһа нуорматтан элбэх.

Быйыл ордук хоту улуустарыгар хаар саппааһа элбэҕин бэлиэтииллэр. Нуорматтан төһө эмит үрдүк. Онон Халыма улуустарыгар балаһыанньа кытаатыаҕын билгэлииллэр.

edersaas.ru

Следите за самым важным и интересным в Telegram-канале и WhatsApp-группе ЯСИА