Өрөспүүбүлүкэ бырабыыталыстыбата 2019 сыллааҕы үлэтин Өлөөн улууһун нэһилиэнньэтигэр отчуоттуур. Манна олохтоохтор былырыын туруорсубут боппуруостара туолбутун — киин балыыһа саҥа оборудованиеламмытын эттилэр.
Өлөөннөөҕү киин балыыһа саҥа оборудованиенан хааччыллыытын боппуруоһун олохтоохтор былырыын туруорсубуттара. Булгуччулаах медицинскай страховка фондатынан 1 мөл 934 тыһ. солк көрүллэн, тыҥа аппарата, дефибриллятор-монитор уонна ыарыһах монитора ылылыннылар.
Маны сэргэ «СД-РА-ТМО» рентгенографическай аппарат өрөмүөннэннэ.
«2018 — 2022 сылларга Саха Өрөспүүбүлүкэтигэр доруобуйа харыстабылын сайдыыта» судаарыстыбаннай бырагырааманан былырыын диагноз туруорар аппарат ылыллыбыта, диэн СӨ баһылыгын уонна бырабыыталыстыбатын пресс-сулууспата иһитиннэрэр.
