28 Бэс ыйа 28.06
  • -7°
  • $ 104,68
  • 115,6

Өлүөхүмэ улууһун Хоро нэһилиэгин таһыгар муус харыытын дэлби тэптэрэр туһунан толкуйдууллар

Саха сирин ЫБМ пресс-сулууспата иһитиннэрэринэн, Өлүөхүмэ оройуонун Хоро нэһилиэгэр 10 дьиэ, ол иһигэр 2 олорор дьиэ ууга барда. Өлүөнэ өрүс мууһун устуутун Онлайн трансляциятын манна көрүөххэ сөп.

Ыам ыйын 19 күнүгэр 08:00 чааска Өлүөхүмэ улууһун Хоро нэһилиэгэр уу таһыма критическэй көрдөрүүттэн үрдээн турар, 10 дьиэ ол иһигэр 2 олорор дьиэ ууга барда.

Сылыктааһын быһыытынан, чугастааҕы сууккаҕа Хоро нэһилиэгиттэн аллараа диэки муус харыыта турар түгэнигэр уу таһыма өссө үрдээн, атын дьиэлэр уонна олбуордар ууга барар кутталлаахтар.

Билигин Хороҕо өрөспүүбүлүкэ бырабыыталыстыбатын исписэлиистэрэ, Арассыыйа ЫБМ регионнааҕы салаатын үлэһиттэрэ, Саха сирин быыһыыр сулууспата уонна тэптэрэр этэрээт үлэлии сылдьар. Сири-уоту көтөн көрөн баран, харыы баар сирин тэптэрэр туһунан быһаарыыны ылыахтара.

Следите за самым важным и интересным в Telegram-канале и WhatsApp-группе ЯСИА
0
0