Өлүөхүмэҕэ бэйдиэ ыттар түмүстүлэр. Дьоҥҥо саба түһүүлэр бэлиэтэннилэр. Олохтоохтор уулуссаҕа тахсыахтарын куттаналлар.
ЯСИА-ҕа куорат баһылыга Сергей Щебляков иһитиннэрбитинэн, уон улахан үөр баар, бэйдиэ сылдьар ыт ахсаана 300 буолуон сөп. Маны тутууга үп тиийбэт.
«Куоракка бэйдиэ ыттар кыһалҕалара баар. Суоттааһынынан, биир ыты көрүүгэ 15 тыһ солк. Бу суумаҕа тутуу, транспортировка, стерилизация, вакцинация, доруобуйатын көрүү уонна ый устата иитии киирэр. Ааспыт сылга субвенция көрдөөбүппүт, 1,5 мөл солк ветеринария департаменыттан сүүс ыты тутууга. Күн бүгүн 92 тыһ солк эрэ ыллыбыт. Бу олус кыра. Алта ыты тутууга уонна көрүүгэ эрэ тиийэр. Онон салгыы өрөспүүбүлүкэттэн үбүлээһини көрдүүбүт», — диэтэ Щебляков.
Сиһилии https://ysia.ru/v-olekminske-sotni-brodyachih-sobak-sbilis-v-ogromnye-stai/
