Сүөһү уонна сылгы кыстыгы этэҥҥэ туорууругар анаан Ил Дархан Айсен Николаев сорудаҕынан улуустарга концентрированнай сүөһү сиир отун тириэрдии саҕаланна.
Алтынньы 20 күнүгэр Өлүөхүмэ улууһугар 140 туонна уотурба тириэрдилиннэ. Бу хайысхаҕа бастакы түһүмэх буолар. Бырабыыталыстыба, тыа хаһаайыстыбатын министиэристибэтэ, «Якутоптторг» тэрилтэ бииргэ былааннаах үлэни толоруулара салҕанар.
Өлүөхүмэ транспортнай логистиката олус уустугунан биллэр улуус. Онон сүөһү аһын тириэрдиигэ эппиэттээх регионнааҕы оператор Хороҕо, Саҥыйахтаахха, Заречнайга, Өлүөхүмэ куоратыгар уотурбалары баржаларынан тириэртэ, суруйда тыа хаһаайыстыбатын министиэристибэтин пресс-сулууспата.
Быйыл кэккэ улуустарга оттооһун, айылҕа араас алдьатыылаах көстүүлэригэр түбэһэн, олус ыараханнык ааста.
