24 От ыйа 24.07
  • 23°
  • $ 87,3
  • 95,46

«Кыһыл көмүс ааттар». Наталья Трапезникова ырыаларын эстрада тыйаатырын артыыстара ыллыахтара

17:33, 23 октября 2019
Текст:
Читайте нас на
Яндекс Новости
ЯДВ

Саха сириттэн бастакы идэлээх артыыска Наталья Трапезникованы «Кыһыл көмүс ааттар» бырайыакка санаан ааһыахтара. Кини саамай биллибит ырыаларын эстрада тыйаатырын артыыстара толоруохтара. Бырайыак туһунан Александр Бурнашев СИА-ҕа кэпсээтэ.


Саха сирин эстрадатын тыйаатырын артыыһа Александр Бурнашев «Кыһыл көмүс ааттар» бырайыак туһанан билиһиннэрдэ. Алтынньы 24 күнүгэр бастакы музыка биэчэрэ буолар. Манна Саха АССР үтүөлээх артыыската, бастакы идэлээх артыыска Наталья Трапезникова ырыаларын толоруохтара. Бырайыагы Россиятааҕы «Серебряный шар» бырагырааманы кытта дьүөрэлии көрүөххэ сөп. Ити эрээри сахалар биэриилэрэ музыката элбэх буолуоҕа.

Биэчэргэ Сахая, Тамара Попова, Айгылаан, Люция, Эрчим, Анастасия Готовцева, Надина Эльпис, Анатолий Горохов, Варя Аманатова уонна Андриана кыттыыны ылыахтара. Баянист Раиса Крылова тыыннаах доҕуһуолунан ырыа үксэ ситэриллиэ. Бэлэмнэнии балаҕан ыйыгар саҕаламмыта.

Трапезникова өрөспүүбүлүкэҕэ эстрада искусствота сайдыытыгар улахан кылааты киллэрбитэ. Кини талаанын кытта Саха сирин тэҥнии туталлара. Кини Сэбиэскэй Союһунан уонна кыраныысса таһыгар элбэхтик гастролга сылдьара. Москваҕа кини куолаһын меццо-сопрано быһыытынан сыаналаабыттара.

Эстрада тыйаатырын артыыстара, биллэн турар, «Якутяночканы» ыллыахтара.

Следите за самым важным и интересным в Telegram-канале и WhatsApp-группе ЯСИА