28 Кулун тутар 28.03
  • -11°
  • $ 92,59
  • 100,27

Саха театра оҕолору Саҥа дьыллааҕы бырааһынньыктарга ыҥырар

17:37, 19 декабря 2019
Текст:
Читайте нас на
Яндекс Новости
ЯДВ

Былатыан Ойуунускай аатынан Саха театра оҕолору уонна төрөппүттэри сарсыардааҥы испэктээктэргэ ыҥырар. Аптаах остуоруйалар кэнниттэн оҕолору алыптаах Дьуолка тула көрдөөх-нардаах оонньуулар, күрэхтэр, бириистэр, соһуччу үөрүүлэр күүтэллэр.


Остуоруйа-испэктээк кэнниттэн фойеҕа Тымныы оҕонньор Хаарчаналыын уонна остуоруйа дьоруойдарын кытта Дьуолка тула аптаах күрэхтэрдээх көрдөөх-нардаах Саҥа дьыллааҕы бырааһынньык саҕаланар. Саҕаланыыта: 12.00 Билиэт сыаната: 300 солк.

Николай Якутскай кэпсээннэринэн «Ойуур оскуолата» остуоруйа премьерата ыҥырар. Үөрэниэн баҕарбат мэник-тэник Куобахчаан ойуурга мүччүргэннээх түгэннэргэ түбэһэр. Хаххан көтөр сытыы тыҥыраҕыттан кими да истибэт Куобахчааны Саха сирин кыыллара быыһыллар. Дьэ, ким кинини быыһыыр эбитий? Эһэ дуу, бөрө дуу, тииҥ дуу, биитэр чыс кутуйахтар, биитэр баҕа үөн? Режиссер: Сергей Потапов. Оруолларга: Маргарита Борисова, Вячеслав Лавернов, Валентин Макаров, Ирина Никифорова, Илья Портнягин, Иван Попов, Елизавета Потапова, Павел Ченянов. Буолар сирэ: Аччыгый саала. Буолар күнэ: Ахсынньы 28, 29, тохсунньу 3, 4, 5, 6 күннэрэ.

Анна Гоголева «Ойуу кыыс» остуоруйата ыҥырар. Кэрэ кыыс туһунан остуоруйа оҕолору былыргы Кытай дьикти дойдутугар тиэрдэр. Хараҥа дьайдаах Хара Хэшан Ньюшен кыыһы аптыыр. Дьыл кистэлэҥнээх дьикти кэмигэр  дьадаҥы уол Чжун-цзы билбэт кыыһын көрсөн таптыыр, онтон ыла уоттаах таптал дьоруойдар олохторун уларытар. Өһүөннээх Хара Хашен уодаһына уолу Сиюй аптаах дойдутугар Ньюшен кыыһы быыһыы барарыгар күһэйэр. Уолу дьиибэ көтөрдөр, аптаах дьон уонна күүстээх драконнар остуоруйа дойдутугар көрсөллөр. Режиссер: Руслан Тараховскай. Буолар сирэ: Улахан саала. Буолар күнэ: Тохсунньу 3, 4 күннэрэ.

«Биэс ынахтаах Бэйбэрикээн эмээхсин» норуот остуоруйата ыҥырар. Үүммүт Саҥа дьылга бастакы күннэригэр саха норуотун тапталлаах дьоруойдара Бэйбэрикээн эмээхсин, Сибэкки кыыс, Хаалдьыт Бэргэн уонна Чоочугур Чуоҕур маҥан ат оҕо-аймаҕы алыптаах остуоруйа дойдутугар илдьиэхтэрэ. Режиссер: Сергей Потапов. Буолар сирэ: Улахан саала. Буолар күнэ: Тохсунньу 5, 6 күннэрэ.

Следите за самым важным и интересным в Telegram-канале и WhatsApp-группе ЯСИА