15 От ыйа 15.07
  • 22°
  • $ 87,74
  • 95,76

Квалификационнай тургутугу ааспатах салайааччы үлэтиттэн уһуллуо

17:01, 08 октября 2020
Текст:
Читайте нас на
Яндекс Новости
ЯДВ

Саха Өрөспүүбүлүкэтин тутууга уонна дьиэни-уоту кэтээhиҥҥэ судаарыстыбаннай Управлениетын лицензионнай хамыыһыйата элбэх кыбартыыралаах дьиэлэри салайар хампаанньалар салайааччылара дьиэ сокуоннарын билиигэ тургутугу (аттестация) ааһалларын санатар.


«Быйыл үгүс салайааччы 2015 сыллаахха ылбыт квалификационнай аттестатын болдьоҕо бүтэр. Сокуону билиигэ тургутугу кэмигэр ааспатах салайааччы 50 – 100 тыһ. диэри ыстарааптаныан, үс сылга диэри квалификациятыттан матыан эбэтэр тэрилтэ 250 – 300 тыһ солк диэри ыстаараптаныан сөп. Тургутугу салайааччы аттестат болдьоҕо бүтүөр диэри барыахтаах», — диир Управление салайааччытын солбуйааччы Павел Корнилов.

Квалификационнай эксээмэни босхо инновационнай менеджмент үрдүкү оскуолатыгар тест быһыытынан кэтэхтэн туттарыахха сөп.

Аттестаты ылыан баҕалаах салайааччы ugszhn@sakha.gov.ru аадырыска эксээмэҥҥэ сайаапка түһэрэр.

Следите за самым важным и интересным в Telegram-канале и WhatsApp-группе ЯСИА