Ааспыт сууккаҕа өрөспүүбүлүкэҕэ эбии 46 киһи коронавируһунан ыарыйда. Бу туһунан COVID-19 тарҕаныытын бохсор өрөспүүбүлүкэтээҕи суһал ыстаап иһитиннэрэр.
Мантан 22 – Дьокуускайга, Өлөөҥҥө – 5, Мэҥэ-Хаҥаласка, Мииринэйгэ, Тааттаҕа — үстүү, Хаҥалас, Нерюнгри улуустарыгар — иккилии киһи, Алдан, Үөһээ Бүлүү, Бүлүү, Горнай, Уус-Алдан, Чурапчы улуустарыгар биирдии киһи ыарыйдылар. Ыалдьыбыттар балыыһаҕа киирдилэр, алтыспыттара билилиннилэр, туспа тутулуннулар.
Ааспыт сууккаҕа 2 киһи олохтон туораата.
Суукка иһигэр лабораторияларга 2 794 тест оҥоһулунна, пандемия саҕаланыаҕыттан барыта — 368 169.
