Судаарыстыба баһылыга Владимир Путин от ыйын 1 күнүн РФ Конституциятыгар көннөрүүлэри киллэриигэ куоластааһын күнүнэн биллэрбитэ. Саха сиригэр бу күн хайдах барыаҕай, хас быыбардыыр учаастак баарый, санитарнай өттүнэн миэрэлэри тутуһуу, уо.д.а. ыйытыыларга — СИА интервьютугар өрөспүүбүлүкэтээҕи киин быыбардыыр хамыыһыйа салайааччыта Алексей Ефимов кэпсээтэ.
— Алексей Михайлович, от ыйын 1 күнүгэр куоластааһын буолар. Киин быыбардыыр хамыыһыйа иннигэр ханнык соруктар туралларый?
— Бастатан туран, куоластааһын түмүгэ кырдьыктаах буолуутун хааччыйар соруктаахпыт. Ол иһин куоластааһын күнүгэр дьоҥҥо анаан туох баар сөптөөх усулубуйа тэриллэр: санааларын этэллэригэр уонна куоластыыр учаастактарга кинилэр доруобуйаларыгар ханнык да куттал суоһаабатыгар. Россия КБХ иһитиннэрэр-ыспыраапка биэрэр киин, элбэх ханааллаах, босхо төлөпүөн үлэлиир 8-800-200-00-20. Ким баҕалаах бу нүөмэринэн эрийэн интэриэһиргиир ыйытыытын биэриэн сөп.
— Биһиги өрөспүүбүлүкэбитигэр хас учаастак үлэлиэҕэй?
— 799 быыбардыыр учаастак, 791 — бастайааннай, 8 — кылгас болдьоххо: үс учаастак полярнай ыстаансыйаларга, үс хайаны байытар бөдөҥ тэрилтэлэргэ, икки улахан медицина киинигэр Дьокуускай куоракка
