Кирииптэн быһыыны оҕолорго биэрэн саҕалаатылар диэн, Ил Дархан атырдьах ыйын 27 күнүгэр социальнай ситимнэринэн быһа сибээс кэмигэр эттэ.
Сезоннай кириибинэн ыалдьыы оҕо иммунитетын мөлтөтүөн, COVID-19 вируһун хабарыгар төрүөт буолуон сөп диэтэ кини. Онон оскуолаларга быһыыны кылгас кэм иһигэр биэрэн бүтэри эттэ Айсен Николаев.
Кирииптэн быһыыны учууталлар, быраастар булгуччу ылыахтара. Атын үлэ кэлэктииптэригэр быһыыны биэриини эмиэ тэрийиэхтэрэ.
Ил Дархан өрөспүүбүлүкэҕэ наадалаах вакцина бүтүннүү кэлбитин, улуустарынан тарҕатыы үлэтэ бара турарын иһитиннэрдэ.
