29 Кулун тутар 29.03
  • -11°
  • $ 92,26
  • 99,71

Инбэлиит оҕолорго эрдэттэн көмөлөһөр ситими сайыннарыахтара

15:31, 27 декабря 2019
Текст:
Читайте нас на
Яндекс Новости
ЯДВ

Психологическай-медицинскай-социальнай кэтэбил өрөспүүбүлүкэтээҕи киинэ уонна куораттааҕы оҕо дьиэтэ бииргэ үлэлииргэ сөбүлэҥ түһэристилэр. Инбэлиит оҕолорго, доруобуйаларынан хааччахтаах кырачааннарга уонна кинилэр дьиэ кэргэттэригэр, көрүүтэ-истиитэ суох хаалбыт оҕолорго эрдэттэн туһуламмыт үлэни ыытыы ситимин сайыннарыахтара. 


Сөбүлэҥ сурукка Оҕо дьиэтин дириэктэрэ Константин Чичигинаров уонна киин салайааччыта Эдуард Кондратьев илии баттаатылар.

Докумуоҥҥа этиллэринэн, тэрилтэлэр оҕолору кытта үлэни күүһүрдүөхтэрэ, манна анаан педагогтар методическай уонна профессиональнай маастарыстыбаларын чиҥэтэн биэриэхтэрэ, кыаҕы биир сиргэ түмэн муҥутууурдук туһаныахтара, кэлим тэрээһиннэри, дьаһаллары ыытыахтара.

«Бу докумуоҥҥа олоҕуран үлэһиттэр квалификацияларын үрдэтиигэ тэрээһиннэри ыытыыга былаан ылыллыа, семинардар, уруоктар, курсовой практикалар буолуохтара. Биһиги оҕоҕо эрдэттэн көмөнү оҥорууга стажировканы ааһыыга база буоларга бэлэммит«, — диэтэ Эдуард Кондратьев.

Оҕо дьиэтигэр билигин 123 үлэһиттээх, онтон 21-рэ педагог. Эпиэкэҕэ 0 — 4 саастаахтар бааллар, тоҕус бөлөх үлэлиир.

Следите за самым важным и интересным в Telegram-канале и WhatsApp-группе ЯСИА