27 Ыам ыйа 27.05
  • 23°
  • $ 89,7
  • 97,1

Ил Дархан Бырабыыталыстыба үлэтигэр сүрүн соруктары туруорда

Хаартыска: Саха сирэ саайт
Читайте нас на
Яндекс Новости
ЯДВ

Ил Дархан Айсен Николаев Бырабыыталыстыбаны уонна Баһылык дьаһалтатын кытары бүгүҥҥү мунньаҕар уталытыллыбакка быһаарыллыахтаах сүрүн соруктары бэлиэтээтэ, суруйда Саха сирэ саайт.

Өрөспүүбүлүкэ баһылыга сааскы халаан уута ылыан сөптөөх нэһилиэктэргэ муниципальнай уорганнар дьону көһөрүүнү, дьиэ кыылын-сүөлүн эрдэттэн куттала суох, үрдүк сирдэргэ таһаарар эбээһинэстээхтэрин, хоромньу тахсыытын кыччатар дьаһаллары ылыахтаахтарыгар эттэ.

Мунньахха Айсен Николаев РФ Бэрэсидьиэнин ыйааҕын олоххо киллэриигэ РФ Бырабыыталыстыбатын саҥа састаабын кытары суһаллык бииргэ үлэлээһин наадатын бэлиэтээтэ уонна эрэгийиэннээҕи былааны оҥорорго сорудахтаата.

«РФ Бэрэсидьиэнэ Владимир Путин солотугар киирээт, кэккэ докумуоннарга илии баттаата, ол иһигэр «О национальных целях развития РФ на период до 2030 года и на перспективу до 2036 года» ыйаахха. Бу докумуоннарга чугастааҕы сылларга биһиги үлэбит сүрүн хайысхалара – дьиэ кэргэни өйөөһүн, табыгастаах уонна куттала суох эйгэни тэрийии, хас биирдии киһи ис кыаҕын сайыннарыы, экологическай нуорманы, технологическай сайдыыны, цифровой трансформацияны олоххо киллэрии быһаарылынна. Бу биһиги билигин аан бастаан толорор сорукпут», – диэтэ Айсен Николаев.

РФ Бырабыыталыстыбата гааһынан хааччыйыы уонна эрэгийиэни гаастааһын саҥа быраабылатын уонна олоххо киллэрэр схематын бигэргэттэ. Айсен Николаев бэлиэтээбитинэн, саҥа быраабылаҕа сөп түбэһиннэрэн эрэгийиэннэр 20 сылга гааһынан хааччыйыы уонна гааһы киллэрии схематын оҥорор кыахтаннылар. Кини сүрүн соругунан бу хайысхаҕа гаас инфрастурктуратын сайыннарыы буоларын бэлиэтээтэ.

Итини таһынан РФ Бырабыыталыстыбата федеральнай, эрэгийиэннээҕи уонна муниципальнай социальнай өйөбүлү оҥорууга биир кэлим ирдэбиллэр туруорулуннулар.

«Бу дьон өйөбүлү ыларыгар чуолкай болдьоҕу туруорар сүрүн докумуон буолар. Өйөбүл электроннай өҥө нөҥүө аҕыйах докумуоннаах уонна кылгас кэм иһигэр оҥоһулларыгар сорук турар», – диэтэ Айсен Николаев.

Следите за самым важным и интересным в Telegram-канале и WhatsApp-группе ЯСИА