18 От ыйа 18.07
  • 18°
  • $ 88,09
  • 96,3

Хоту үлэлээбит 25 учууталга дьиэ сертификаттарын туттардылар

11:01, 15 июля 2021
Текст:
Читайте нас на
Яндекс Новости
ЯДВ

Аартыка, хоту улуустарын нэһилиэктэригэр биэс сыл үлэлээбит 25 учууталга дьиэ сертификаттарын туттардылар. Бу туһунан СИА үөрэх министиэристибэтин иһитиннэриитигэр сигэнэн суруйар.


2016-2017 үөрэх сылларыгар «Аартыка, хоту улуустарын нэһилиэктэригэр үлэлиир педагогтары дьиэнэн хааччыйыы» судаарыстыбаннай бырагырааманан 30 учуутал үлэлии барбытыттан 25-һэ толору болдьоҕу үлэлээбит. Үөрэх миниистирин бастакы солбуйааччы Михаил Присяжный ити кэм иһигэр учууталлар бүтүн Арассыыйатааҕы, өрөспүүбүлүкэтээҕи олимпиадаларга, күрэстэргэ, научнай-практическай конференцияларга кэккэ ситиһиилэрдэммиттэрин эттэ.

Кини саҥа бөлөҕү таҥыы бэс ыйын 17 күнүттэн биллэриллибитин иһитиннэрдэ.

2006 сылтан 2017-ҕэ диэри бырагыраама чэрчитинэн уопсайа 330 физика, химия, биология, история, обществоведение, нуучча тылын, литературатын, математика, информатика, английскай тыл учууталлара хоту баран үлэлээбиттэр. Итинтэн 290 учуутал дьиэтин тупсарарга сертификат туппут.

Следите за самым важным и интересным в Telegram-канале и WhatsApp-группе ЯСИА