Сунтаар, Нам, Үөһээ Бүлүү оройуоттарыгар национальнай бырайыактарынан уонна Саха сирин судаарыстыбаннай бырагыраамаларынан тутуллар социальнай эбийиэктэр тутууларын бэлэмэ намыһаҕын бырабыыталыстыба бэрэссэдээтэлэ Кирилл Бычков иһитиннэрдэ. Ол туһунан регион салалтатын пресс-сулууспата суруйда.
Мунньахха «Полярная звезда» сылы эргиччи үлэлиир оҕо сынньалаҥ уонна доруобуйатын чөлүгэр түһэрэр киинин, Сунтаар, Нам, Бэс Күөл сэлиэнньэлэригэр оскуолалар, Дьокуускайга эпос уонна искусство киинин, Үөһээ бүлүү Харбалааҕар И.Н. Барахов аатынан култуура киинин, Сунтаарга бассейннаах спорткомплексын тутууларын туһунан отчуот истилиннэ.
Мунньах түмүгүнэн Кирилл Бычков эбийиэктэргэ тутааччы ахсаанын элбэтэр туһунан эттэ. Кини социальнай эбийиэктэри тутуу бырабыыталыстыба хонтуруолугар турарын санатта.
